Tiflisdə keçirilən mitinqdə Saakaşvilinin məktubu oxundu - "Azadlığa çıxdıqdan sonra..."
15 oktyabr, 2021 00:01
Tbilisinin Azadlıq meydanında sabiq prezident Mixeil Saakaşvilinin azadlığa buraxılması tələbi ilə keçirilən mitinq başa çatıb.
Müxalif "Vahid Milli Hərəkat" partiyasının təşkil etdiyi mitinq 4 saata yaxın davam edib.
Mitinq zamanı M.Saakaşvilinin məktubu oxunub. Məktubunda sabiq prezident qeyd edib ki, azadlığa çıxdıqdan sonra heç bir halda revanşa çalışmayacaq.
Mitinq zamanı insident qeydə alınmayıb. Mitinq Gürcüstanın dövlət himninin oxunması ilə başa çatıb.
Xatırladaq ki, qeyri-qanuni yollarla Gürcüstana qayıdan sabiq prezident Mixeil Saakaşvili oktyabrın 1-də Tbilisidə həbs edilib.
