Minlərlə yəhudi iş adamı varidatının yarısını öz xalqı və ölkəsinə fəda etdi - Nümunəvi addım...
"Gələcək nəsillərin yəhudi köklərini mənimsəmələrinə, yəhudi həyatında məna tapmalarına və özləri ilə qürur duymalarına imkan verəcək bir dünya yaşamalarını istəyirəm...”
Amerika Birləşmiş Ştatlarında böyük bir inşaat işinə rəhbərlik edən xeyriyyəçi Harold Qrinspun “Gələcəyə dair yəhudi vədi” müqaviləsini imzalayan 2000-ci şəxs olub.
Bu haqda İsrailin “7-ci” kanalı məlumat yayıb.
Müqavilə onu imzalayanların öz varidatlarının ən azı yarısının yəhudi icmalarına və İsrailə dəstək verən xeyriyyə təşkilatlarına bağışlayacağını nəzərdə tutur.
Təşəbbüs 2020-ci ildən başlayıb. Hər kəs - yaşından, mənşəyindən, nizamnamə kapitalından və xeyriyyəçiliyə nə qədər bağışlamağı planlaşdırmasından asılı olmayaraq yəhudi xalqının xeyrinə və gələcəyinə xidmət edə bilər.
Proqram tez bir zamanda Amerika qitəsində, İngiltərədə və İsrailin özündə geniş yayılıb.
"Gələcək nəsillərin yəhudi köklərini mənimsəmələrinə, yəhudi həyatında məna tapmalarına və özləri ilə qürur duymalarına imkan verəcək bir dünya yaşamalarını istəyirəm. Cəmiyyətimizin özəyini təşkil edən yəhudi proqram və təşkilatlarının gələcəyini təmin etmək üçün xeyriyyəçiliyi inkişaf etdirməliyik. Həyatım boyu və ölümümdən sonra, demək olar ki, bütün aktivlərim Harold Qrinspun vəqfinə veriləcək ki, digər xeyriyyə partnyorları ilə birlikdə yəhudi icmamızı möhkəmləndirək və bizim yəhudi ənənələrimizlə və bir-birimizlə bağlılığımıza şərait yaradan imkanları cəlb edə, gücləndirə və inkişaf etdirə bilək" - yəhudi iş adamı belə deyib.
