Kennedi sui-qəsdinin gizli sənədləri nə vaxt açılır?
24 oktyabr, 2021 00:17
ABŞ-ın 35-ci prezidenti Con Kennedinin öldürülməsi ilə əlaqədar sənədlərin bir hissəsi 15 dekabrda, digər hissəsi isə bir il ərzində nəşrə hazır olacaq.
"Azsiyaset" axar.az-a istinadla xəbər verir ki, bu barədə Ağ Ev məlumat yayıb.
Bildirilib ki, redaktəsi başa çatmayan sənədlər üçün Milli Arxivlər və Qeydlər İdarəsinə (NARA) əlavə bir il vaxt veriləcək.
Gecikməyə COVİD-19 pandemiyası səbəbindən NARA-nın sənədlərin redaktəsini başa çatdıra bilməməsi göstərilib və bildirilib ki, gecikmə "hərbi müdafiə, kəşfiyyat, hüquq-mühafizə və beynəlxalq münasibətlərin gedişatına" mümkün zərərin qarşısını almaq üçündür.
Qeyd edək ki, ABŞ-ın 35-ci prezidenti Con Kennedi 22 noyabr 1963-cü ildə Texasda sui-qəsd nəticəsində öldürülüb.
