Ermənistanda generalın oğlu həbs edildi
20 may, 2022 12:00
Ermənistan Baş Qərargahının keçmiş rəhbəri general-polkovnik Yuri Xaçaturovun oğlu İqor Xaçaturov hakimiyyət nümayəndəsinə qarşı zorakılıq tətbiq etməkdə ittiham edilərək həbs edilib.
Xaçaturov mayın 17-də Kiyevyan küçəsində müxalifətin aksiyası zamanı polisin qanuni tələbinə tabe olmadığına görə saxlanılıb.
“Araşdırma zamanı polis əməkdaşına qarşı zorakılıq tətbiq edən İqor Xaçaturovun bu hadisə zamanı narkotik maddənin təsiri altında olması barədə məlumat daxil olub”, - İstintaq Komitəsi məlumat yayıb.
Hazırda istintaq orqanı məhkəmə-kimyəvi ekspertizanın təyin edilməsi barədə qərar qəbul edib. Lakin Xaçaturov nümunələri təqdim etməkdən imtina edib. Cinayət işinin ibtidai istintaqı davam etdirilir.
