Kiyev "İsgəndər"lə vuruldu
Rusiya Silahlı Qüvvələri Kiyev şəhərinə raket və pilotsuz uçuş aparatları ilə kütləvi hücum edib.
Ukayna mediası xəbər verir ki, hücum nəticəsində 7 nəfər həlak olub, 24 nəfər isə müxtəlif dərəcəli bədən xəsarətləri alıb.
Hücum zamanı paytaxtda güclü partlayışlar baş verib. Qoloseyev rayonunda hərbi anbarlardan birinə zərbə endirildikdən sonra ərazidə tüstü müşahidə olunub.
Məlumata görə, son dəqiqələr ərzində Kiyev istiqamətinə "Kalibr", "Geran", "Zirkon" və "İsgəndər" tipli raketlər buraxılıb.
Bundan əlavə, Kiyev SES ərazisinə və Çerniqov şəhərinə də zərbələr endirildiyi bildirilir.
***
Kiyevə kütləvi raket və dron zərbələri nəticəsində mülki insanlar arasında ölənlərin sayı 11 nəfərə çatıb, 46 nəfər isə yaralanıb.
Bu barədə Kiyev şəhər Hərbi Administrasiyasının rəhbəri Timur Tkaçenko Teleqram səhifəsində yazıb.
Kiyevin müxtəlif rayonlarında 20-yə yaxın ərazidə dağıntı qeydə alınıb.
Dağıntılar altında insanların qaldığı ehtimal edilir. Rəqəmlərin dəyişəcəyi istisna edilmir.
***
Rusiyanın Kiyevə zərbə endirməsi nəticəsində ölənlərin sayı 15-ə çatıb.
Bu barədə Kiyev şəhər Hərbi Administrasiyasının rəhbəri Timur Tkaçenko məlumat verib.
